ADIN EGOKIA
LH 1-2-3Iraupena
85'Urtea
2022Zuzendaria
Arnaud Demuynck eta Rémi DurinHerrialdea
Belgika
Sinopsia
Itsas zabalean, lainopean, ba omen da munstro-familia bat bizi den uharte misteriotsu bat. Erabat debekatuta dago bertara hurbiltzea. Behin, ordea, Kotake izeneko gizaki-mutiko bat uhartera bertaratu zen eta ustekabean izaki misteriotsu batzuekin egin zuen topo. Kotakeren etorrerak izua zabaldu zuen uhartean, izan ere, gizakiek egundoko izu-ikara eragiten baitzieten uharteko munstroei. Hori zela eta, Naki suminkorraren ardurapean utzi zuten mutikoa. Hasieran, Naki eta Kotake ez ziren bata bestearekin ondo moldatzen, baina elkarrekin denbora igaro ahala, azkenean lotura hautsiezina eratu zen bien artean. Bi horiek gorabehera, ezinezkoa zen gizakiak eta munstroak elkarrekin bizitzea eta agur esateko une tristeak noizbait iritsi behar zuen. Hala ere, bien arteko adiskidantza gailenduko ote zaio munstroak eta gizakiak ezin direla elkarren adiskide izan dioen tabuari?
Zergatik ikusi film hau?
Fantasiazko mundu batean girotua dagoen film koloretsu honek, adiskidetasun eta tolerantziak duen garrantziaren adibide aparta da. Irudimena eta emozioak dantzan jartzeaz gain, elkarbizitza eta lankidetzari buruzko balioak irakasten dizkie.
FILMAN LANDU DAITEZKEEN GAIAK
- Desberdinen arteko adiskidetasuna
- aurreiritziak
- ausardia
- elkarlaguntza
- tolerantzia
Material didatikoa
Film honen material didaktiko PDF formatu editagarrian duzu eskuragarri alboko botoia sakatuta. Material didaktikoa zure ordenagailura deskargatu eta bertan editatu dezakezu.
MATERIAL DIDAKTIKOA URRIAN EGONGO DA ESKURAGARRI, EMANALDIAK HASTEAREKIN BATERA
Trailerra
